拎處方藥單去社區藥房配藥時，唔少街坊都有同樣疑問 ─
如果不想一次過配哂處方上的藥物數量，只需要配住一部分💊，而藥房每次配藥都要收處方藥單正本，下次想配埋餘數可以點算？
其實做法好簡單，只要你持有有效處方藥單📋，係本藥房登記時講低想配幾多藥數。如有剩餘藥數，藥劑師就會出返一張藥物餘數卡，寫低配咗同剩餘藥數✍🏻。下次配藥只需出示返藥物餘數卡，就可以配埋剩吓嘅藥數，唔使擔心收取咗藥單正本配唔到藥嘅問題☺️☺️。
另外，小編都留意到街坊前來配藥時會有不少疑問，以下精選咗比較常見嘅問題🤔🤔
Q：去藥房配藥，我可唔可以拎返張處方正本走？
A：❌唔可以❌根據香港法例要求，藥房按處方配發處方藥物後，須保留處方同備存相關記錄，為期兩年。駐店藥劑師必須保存配藥嘅記錄以供檢查🧐。
Q：藥房收走我張正本處方藥單，啲藥唔夠食到去覆診點算？🥺
A：醫生開處方藥單時都會開到足夠到下次覆診期嘅藥物數量，無須擔心收走藥單但唔夠藥數嘅問題😌。如果覆診期前真係唔夠藥食，首先要搞清楚原因，係因為上次無去覆診配藥、忘記藥物位置、唔小心丟棄定係食錯劑量？如果唔清楚平時食藥係咪正確，不妨嚟諮詢我地藥劑師嘅意見🫡。
Q：我擔心有突發情況無辦法如期覆診，驚唔夠藥食，可以係藥房配多一兩排傍身嗎？
A：醫生處方會註明該藥單可以配到幾多粒藥💊，藥房配藥時唔可以配多於醫生指定嘅數量，醫生寫幾多就可以配幾多。如果無法如期覆診，就需要向醫院🏥或診所溝通，要求醫生開返張新嘅醫生處方直至下一次預定嘅覆診期。
如果對配藥流程有任何疑問，歡迎WhatsApp 6778 9581查詢。
💊醫護行社區藥房💊
☎️電話：3596 3141
📞WhatsApp / Signal：6778 9581
📌地址：新界葵涌葵昌路54-56號貿易之都901室
⏰開放時間
星期一：10:30am – 1pm; 2pm – 7:30pm
星期二：9am – 1pm; 2pm – 6pm
星期三：9am – 1pm; 2pm – 6pm
星期四：2pm – 7:30pm
星期五：9am – 1pm; 2pm – 6pm
星期六：9am – 1pm
星期日及公眾假期：休息
