藥劑師：「吳生，見你血壓長期徘徊係 160/120 mmHg，你每日有無按時食藥㗎？」
吳先生：「有啊，但唔知點解無咩好轉😔」
藥劑師：「不如你講講你嘅飲食習慣？有無盡量少油、少鹽同食多少少蔬果🥬？」
吳先生：「我太太有失智症，平時鍾意食濃味嘢，太清淡佢會唔開心。我都知高血壓唔食得太多鹽🫙，所以平時煮飯都唔點落鹽㗎啦！所以我用豉油代替！」
藥劑師：「豉油嘅鈉含量都好高，同高鹽一樣對血壓都易造成不良影響🙅🏻♂️。建議你試吓煮啲少汁嘅餸，避免烹調加工或醃製食物，攝取多啲蔬果同水份。食飽飯可以同太太出去散吓步👫🏻，對你嘅血壓同太太嘅病情都會有好大幫助㗎。」
⭐藥劑師提提你⭐
日常生活習慣同健康息息相關，高鹽份飲食習慣唔單止會令體內鈉含量過多，更係造成高血壓嘅因素之一。 唔好以為平時話少鹽飲食，用豉油代替就無事，大家要小心呢類飲食陷阱。世界衞生組織建議成人每日嘅鈉攝取量應少於2000毫克 (即略少於一平茶匙鹽，大約等於5毫克)。
健康小貼士：
多利用天然材料 (例如：蒜🧄、薑🫚、檸檬🍋 / 青檸汁、芫茜等) 替代高鹽分嘅調味料同醬汁 (例如：蝦醬、豆豉、雞粉、蠔油等) 煮食，令食物唔會過於清淡
減少食用加工或醃製食物，例如經醃製嘅魚類🐟 / 肉類🥩 食品、火腿同香腸、鹹味零食同即食麵🍜等
多參考營養標籤，選擇鈉含量較低嘅食物
吳生係藥劑師嘅建議下，上壓成功下降至140 mmHg左右，藥劑師更轉介咗吳生去諮詢營養師，進一步幫助佢調整飲食。如果大家覺得自己食緊幾款藥而病情康復程度未如理想，可能係好似吳先生咁生活習慣出咗問題，不妨考慮使用本藥房免費嘅藥物管理計劃服務。 藥劑師會提供專業用藥評估同諮詢服務，方便長期服藥人士同照顧者共同管理藥物，並按個別需要訂立健康同藥物管理計劃。 此服務費用全免，只要符合條件，即可隨時預約本服務。欲了解更多詳情，可以WhatsApp 6778 9581查詢。
💊醫護行社區藥房💊
☎️電話：3596 3141
📞WhatsApp / Signal：6778 9581
📌地址：新界葵涌葵昌路54-56號貿易之都901室
⏰開放時間
星期一、四：10:30am – 1pm; 2pm – 7:30pm
星期二、三、五：9am – 1pm; 2pm – 6pm
星期六：9am – 1pm
星期日及公眾假期：休息
