👨🏻陳生：「藥劑師，我之前着過壓力襪一排，而家見對腳無紅無腫就無再着，其實我係咪好返㗎啦？」
🧑🏻⚕️藥劑師：「陳生，首先壓力襪係難以逆轉靜脈曲張嘅情況，一旦出現症狀，壓力襪只可以用作防止惡化。第二，雖然你話無紅腫，但我肉眼睇都見到你靜脈曲張情況幾明顯，例如仲有蚯蚓形狀嘅血管。建議你着返壓力襪，唔好自己亂咁停用。」
👩🏻🦱陳太：「係囉，一早話咗你未好返，成日覺得自己無事。」
🧑🏻⚕️藥劑師：「下次建議諮詢咗我地先，自己胡亂斷症好大機會令原有病情惡化㗎。」
一齊了解靜脈曲張：
分為深層同表層靜脈，深層靜脈於肌肉裡面，而表層靜脈於皮膚之下。正常靜脈有瓣膜防止血液受地心吸力影響而倒流。如瓣膜功能減弱或出現毛病，血液就會積聚於下肢部位，增加下肢靜脈壓力。長時間積聚會令血管變形，形成蚯蚓狀嘅血管。
如不加以控制靜脈曲張症狀，有機會引起嚴重併發症，出現不能逆轉嘅情況。
壓力襪迷思：着咗就消除到靜脈曲張？
醫療用壓力襪利用壓力差的原理，腳踝部分壓力最大，然後逐漸往上遞減，模仿靜脈回流的模式，令血液可以順利回流到心臟，減輕下肢部位及靜脈瓣膜嘅壓力，從而改善靜脈曲張。
單靠壓力襪無法令靜脈曲張消失，只能達至防止惡化嘅效果。
點預防靜脈曲張？
✅建議每小時轉換姿勢或走動🚶🏻♂️，避免久坐或久站，以防血液積聚下肢
✅利用運動加強血液循環⛹🏻🏋🏻♀️
✅穿着壓力襪🧦，促進靜脈回流
💊醫護行社區藥房💊
☎️電話：3612 9515
📞WhatsApp / Signal：6778 9581
📌地址：新界葵涌葵昌路54-56號貿易之都901室
⏰開放時間
星期一、四：10:30am – 1pm; 2pm – 7:30pm
星期二、三、五：9am – 1pm; 2pm – 6pm
星期六：9am – 1pm
星期日及公眾假期：休息
