點解去社區藥房配藥都要等，唔係即買即走？🏃🏻
每個人嘅病歷同情況不一，所以適用於屋企人、朋友嘅藥物未必適用於自己。藥劑師配藥前亦有一系列嘅資訊要了解同檢查📝，唔係照單執藥咁簡單，工序都唔少㗎，目的係確保大眾安全且有效地使用合適嘅藥物，一齊嚟了解吓到底藥劑師出藥前會做啲咩啦！
輕微疾病查詢😷
i. 藥劑師會向病人了解身體不適嘅情況，如症狀、持續時間、疾病史、生活習慣等。
ii. 按照病人健康狀況同症狀，藥劑師會提供應對方法同調配適合嘅藥物(如有需要)去舒緩症狀。若涉及較嚴重、複雜症狀嘅病患，藥劑師會建議病人求醫，以獲得進一步嘅診斷同治療。
iii. 藥劑師會於藥物上附清晰嘅藥物標籤去輔導病人用藥(例：病人名稱、配藥日期、藥房名稱及地址、藥物牌子名稱或通用名稱、單位劑量、用量及用法、注意事項)。
iv. 藥劑師會與病人進行諮詢，詳細講解藥物同非藥物方面嘅建議，確保安全用藥同提高市民健康自理能力，有需要時會適時跟進病人嘅情況。
*如想幫屋企人或朋友配藥，建議預先準備服藥者資料，如年齡同體重 (尤其小朋友👧🏻👦🏻資料要精準)、藥物敏感、長期病患、服用緊嘅藥物等，確保藥劑師可以配發合適嘅藥物或產品。
以上服務均毋須預約，人多時煩請大家耐心等候，一系列繁複步驟都係為咗令市民可以安全地使用最適合自己嘅藥物。
如有任何疑問，歡迎Signal (6618 9212)諮詢我們醫護行社區藥房藥劑師啦！
💊醫護行社區藥房💊
☎電話：3612 9515
📞Signal：6618 9212
📌地址：新界葵涌葵昌路54-56號貿易之都901室
⏰開放時間
星期一、四：10:30am – 1pm; 2pm – 7:30pm
星期二、三、五：9am – 1pm; 2pm – 6pm
星期六：9am – 1pm
星期日及公眾假期：休息
